2 лістапада 2022 г. — 180 гадоў з дня нараджэння Фелікса Паўлавіча Зянковіча (1842–1910), навукоўца-прыродазнаўца, пісьменніка, мастака
Фелікс Паўлавіч Зянковіч нарадзіўся 2 лістапада 1842 г. у дваранскай сям’і ў радавым маёнтку Мокрае Пружанскага павета Гродзенскай губерні (цяпер в. Мокрае Пружанскага раёна Брэсцкай вобласці). Першапачатковую адукацыю атрымаў у Пружанскай і Беластоцкай школах.
У 1859–1861 гг. Фелікс Зянковіч вывучаў прыродазнаўчыя навукі ў Пецярбургскім універсітэце, удзельнічаў у студэнцкім руху. Са жніўня 1862 г. жыў за мяжой. У Парыжскім універсітэце вывучаў біялогію і медыцыну, там і зблізіўся з дзеячамі польскай рэвалюцыйнай і расійскай дэмакратычнай эміграцыі — А. І. Герцэнам і М. П. Агаровым.
2020 г. — 195 гадоў з дня нараджэння Францішка Уладзіслававіча Юндзіла (1825–1865), аднаго з кіраўнікоў паўстання 1863–1864 гг. на Беларусі і ў Польшчы
Францішак Уладзіслававіч Юндзіл нарадзіўся ў 1825 г. у фальварку Югалін Слонімскага павета Гродзенскай губерні (цяпер вёска Югалін Івацэвіцкага раёна Брэсцкай вобласці) у небагатай шляхецкай сям’і. Яго род належыў да шляхецкага герба «Лебедзь», які бярэ свой пачатак на мяжы XIV–XV стст. Бацькі, Уладзіслаў Юндзіл і Багуміла (Сухадольская), выбралі яму кар’еру ваеннага. Францішак Юндзіл служыў у кавалерыі Расійскай арміі, даслужыўся да чына ротмістра. Пасля звальнення з арміі ў 1858 г. вяртаецца на радзіму, спрабуе заняцца гаспадаркай.